主要功效
- 膠原蛋白肽強效配方—天然蜜桃味
- 「醫療級別」膠原蛋白因其功效而受到醫生和醫療保健專業人士的推薦。
- 10g 純海洋膠原蛋白，來自我們專有的生物活性海洋勝肽，觸發身體自我產生膠原蛋白質量，補充因衰老而流失的膠原蛋白資產。
- 高濃度膠原蛋白勝肽將對您身體的每個角落產生積極作用，使 COLLAGEN VITAL POWER 10 成為您日常生活必需的營養補充劑。
- 皮膚 ：
增加水分和彈性，再生皮膚密度並變得飽滿，減少細紋和皺紋。 - 關節和活動能力：
再生軟骨，增強骨質密度，減少發炎和關節疼痛。 - 肌腱和韌帶：
增加纖維的強度和彈性，減輕發炎疼痛，加速肌腱病變的癒合過程。 - 運動 ：
減少肌肉酸痛，提高恢復和效能，防止肌肉撕裂。 - 健康：
調節微生物群和飽足感，促進瘦體重，加速傷口癒合 - 頭髮和指甲：
減少指甲脆弱和掉髮，加強並加速成長，支持頭髮體積和光澤。
為什麼要選擇海洋膠原蛋白？
品牌選用水解技術膠原蛋白肽，來源自可持續發展的深海魚的魚皮、骨骼或鱗片。魚類來源的膠原蛋白分子顆粒極為細小，品牌的海洋膠原蛋白勝肽的分子量為 2000 Daltons （道爾頓），確保獨特的配方1小時內吸收率達95%，2小時內更達99% 。此吸收表現無疑比其他動物性來源（如牛、豬、雞）更加優越。每包含有10g 水解膠原蛋白肽，水解後的膠原肽能夠迅速溶於水，服用後可以直接進入血液，所以人體吸收率極高，是目前最有效補充膠原的方法。人體吸收並加以利用後，能增加肌肉量、促進傷口癒合、調節血壓、護理關節、補充並自生膠原蛋白、保濕皮膚和頭髮、抗衰老、強化骨骼和指甲，對您的身體和美容有多種好處。
- 所有產品符合法國及歐盟認證
- 無乳糖，麩質，防腐劑，填充劑，基因改造生物，納米顆粒，內分泌干擾素，Paraben
- 法國製造 ，根據嚴格藥廠製藥條件，ISO 22000認證（最高國際食品安全標準）整個生產過程受嚴密監控
Usage Warnings
- 含有魚及其衍生物。 如果您正在服用藥物、懷孕或哺乳、有食物過敏、腎衰竭或有任何健康狀況，請在使用本產品前諮詢您的醫生。 不要服用超過建議的每日攝取量。 僅限 18 歲以上成人服用。
- Contains fish and derivatives. Check with your doctor before using this product if you are taking medication, are pregnant or breastfeeding, are subject to food allergies, renal failure or have any medical conditions. Do not exceed the recommended daily intake. For adults above 18yo only.
abb********* (verified owner)
用生命推薦大家買POWER10強效配方同beaute配方 兩款一齊飲皮膚白咗 細緻咗 同滑咗好多 雖然我無特別飲頭髮配方 但我都甩少咗頭髮同埋生多咗好多頭髮 全部嘢加埋哂一齊個人顯年輕咗勁多 好開心呀！！
hau********** (verified owner)
好癲~ 真係好surpeising!!
雖然連一盒都未飲完 但我洗頭髮會甩超多頭髮嘅宿命已經被打破
呢幾日用conditioner時真係比平時pay更多更多attention 之前一用護髮素捽頭髮時係一”執執”咁甩
依家如常用手搽conditioner再梳順d頭髮時 只係得寥寥可數嘅幾條
有冇人明可以由countless去到輕鬆數到到底有幾多條係幾咁感動嘅事!!
至於皮膚就暫時未有太有感覺 毛孔個size都係咁上下
係有少少覺得overall smooth 咗D 不過係自己好近睇先會notice到嘅程度
繼續飲落去希望會睇到皮膚變得更好
peg********* (verified owner)
not only 臉上皮膚，全身皮膚都保濕同滑了，而且是一摸上手就摸到差別的程度！頭髮亦好明顯甩少咗，每晚洗頭可能甩around 10條（長頭髮又有甩頭髮問題嘅人先會明甩10條係幾咁少！）梳頭就around甩3/4條，真係比之前好好多，唔會成地都係頭髮一日要吸幾次塵，要繼續食先得。
tot******** (verified owner)
呢個天氣下特別感覺到手腳無咁乾 皮膚好左有彈性左 用skincare都比較吸收 有時唧完暗瘡有小傷口都好得快d
sze***** (verified owner)
味道尚可接受 一包包方便攜帶 食落大致上感覺皮膚無以前咁乾 乾紋變淺左d 指甲生得快左 同指甲無咁黃好似粉嫩d
ver****** (verified owner)
之前都15/16 ing 跟住無意睇到個reels有個台灣醫師定唔知營養師講解食collagen係咪交智商稅
（可能係iphone偷聽到我同老公講嘅嘢！！！)
個醫師話要睇個collagen 1.係咪水解 2.每日食最少2500mg 3.(sorry唔記得咗 諗咗一陣都係諗唔到…) 咁就唔係智商稅 而且係真係可以改善皮膚保濕度同皺紋
當時我睇完即刻睇返你哋介紹發現係中哂三個條件
所以我就入咗坑
食咗一段時間 皮膚保濕度同皺紋真係有肉眼可見嘅改變
連我最care嘅眼窩凹陷都竟然比以前凸返起咗
無咁顯老 呢個真係極之重要！！！
皮膚in general 係保濕咗細滑咗
好開心你哋入咗個咁work嘅粉呀！
sal******* (verified owner)
呢個collagen係我嘅救命粉。基本上每年入冬乾燥，我全身尤其背脊都係乾到爆炸，搽咗嘢好快我都係會R到紅哂，因為太痕啦！！！！成個背脊都係手指抓嘅㾗，R到出血我到試過。潤膚露，油，body butter全部都有一直用緊，但係感覺只係搽咗一層嘢，入面嘅乾係無解決過，所以好快又乾又痕又想R。飲咗呢個粉一排，皮膚竟然無咗乾到痕嘅多年困擾！真係保濕左，膚質都好左，無咁鞋，亦唔使成日睇睇下netflix chill緊又要R幾R/補搽嘢。以前阿媽成日話我R身R世其實我都唔想，食咗唔算好耐可以有呢個改善真係太感謝啦！
gos******* (verified owner)
我係一個犯賤嘅人!!! 因為iherb嗰啲真係平啲，以前雄心壯志買完，但就成日無心肝要食，放到過期一包包咁掉都無話好心痛，亦因為咁我睇唔到有咩效果，都比老公下禁令唔好再買supplement，因為咁嘥嘢法好折墬。until我見到你哋呢個法國brand我個雄心又再次燃燒!!! 今次因為貴，我真係唔捨得唔食（係咪犯賤？唔貴唔食)，仲要今次直接寄去office，一來唔使俾老公哦，二來每日返到office都好乖咁沖水飲完先開工，make sure自己真係有飲。
暫時食咗三盒幾效果：瞓得好咗，個人比較有精神，坐office膞頭位無咁快覺得痛同硬。皮膚好明顥平滑咗，仲有幾乎無油出，早排突然有一日發現自己好多日都無補過妝！個粉盒係手袋勁耐無拎過出嚟，呢點真心癲囉！依家飲collagen已經係每日必做嘅事之一啦！
ire********** (verified owner)
懶人如我 真係無諗過自己會有恆心食同耐性食supplement
令我有動力食係因為body check知道咗自己有骨質疏鬆 (醫生都表示3字頭骨質疏鬆好少見)
可能我無留意開啦唔知道collagen係可以增加骨質密度 所以好想試下力挽狂瀾 咁當然想順個便令皮膚變得更靚
骨質密度有冇幫助 就要下年再body check先知有冇些少改善OR無更worse
但皮膚已經見到有更細滑補濕 頭髮同指甲長得好快 髮質係光澤柔順咗
呢個年紀要開始投資落身體啦 所以我好贊成上面有女士講每月搞一次優惠等我可以因住個時間去補貨 唔使驚自己買貴咗嘛
bbj******** (verified owner)
有邊個女人想自己老得咁快？如果只可以食一隻supplement，我一定會將個quota留俾collagen peptides。我一直都有係iHXX買collagen粉食，所以皮膚頭髮指甲都維持係唔錯嘅狀態。見你哋第一次入Supplement又係collagen粉，講到好好咁，我就走去睇下自己食開嘅係幾多劑量， 原來我每日食5g，但你哋一包有10g，多成一倍，咁就心思思想試下（不過價錢都貴成倍，原來我食開嘅係平嘢哈哈）
唔試由自可，轉飲咗呢個之後，皮膚嘅細致同滑嘅程度突破咗樽頸位，原來我嘅皮膚仲可以更好！指甲就差唔多，但頭髮好似再有光澤咗！令我幾有自信素頻出街都見得下人～～
包裝方面，呢個係獨立包裝亦好抵讚，因為之前食開一罐罐其實好易沾濕會整到入面有d一舊舊，依家就無呢個問題。味道就其實仲適應緊，因為之前食開嘅無加入水果味。
總括而言，呢個價錢但俾到呢個效果，我會正式決定轉會～都希望你哋可以搵到更多效果好嘅supplement！
mai***** (verified owner)
好多年前仲係算後生嘅時候 就算只係普通郁下D關節己經成日有”折折”聲
食咗呢個粉之後關節聲有減少到 活動力都會提高
無前咁容易郁兩郁就覺得勁攰 令我有返少少動力去做下運動令成個人都健康啲
bel**** (verified owner)
食左兩盒就明顯感覺得指甲硬左，皮膚有彈性D，之前訓醒會好多直紋壓同虎紋，要好一段時間先散，依家壓紋比較淺亦回復得較快。
ash********* (verified owner)
一包包好方便，頭髮比以前有光澤順滑，甩頭髮情況有改善，皮膚無咁乾燥，味道亦都可以接受。
hil********* (verified owner)
飲呢個粉好似飲怪味藥水咁 但係都好過其他牌子試過有d溝完水好似秋葵啲潺咁我係直接想嘔擺到過期都係衝破唔到個心理關口 (我都醒whatsapp問咗唔會潺我先買 起碼我要make sure自己飲得落口呑得落肚先)
生完BB我都自己知自己事 以前皮膚嘅飽滿 嫩滑 無毛孔 完全不復還
覺得自己身上所有膠原都轉移曬去我個寶貝仔度
product description 講嗰啲皮膚關節肌肉骨骼我覺得自己全部都有問題
由10月飲到依家 個人主觀覺得overall recover咗5成 仲有5成先可以追返未生之前嘅皮膚&身體狀態
呢個效果平心而論不過不失 未去到好surprise 但起碼我無失望先
我明白呢啲嘢係長期補及嘅道理 所以都會keep住食再睇睇效果
suggest每個月定一個wellness week/ wellness day 大家可以用優惠折扣買嚟長期飲!
faf******* (verified owner)
係完全無換過skincare同化妝品嘅情況下，淨係飲多咗呢粉，都有feel到皮膚整體更保濕，無咁快乾，同埋出少咗油，平時中午同lunch一定要印下面油先再補下妝，依家唔單止油唔使印，連妝都唔使點補。皮膚平滑咗，講真無諗過效果咁快就咁出！五星好評！
per********* (verified owner)
食咗係有覺得自己後生咗但唔係因為皮膚好咗,而係感覺身體比較輕,活動起上嚟冇咁墜同容易攰 (唔認老都唔得)
份工本身都大活動量成日行成日企,真係要食下補償返
希望皮膚都會快啲睇到分別
via********* (verified owner)
指甲快長左多，原本食指勁易斷甲，依家好似硬身左，無咁易斷甲。
皮膚就滑左D，手手腳腳無咁乾。
ela******** (verified owner)
感覺全身皮都無咁乾，對手啲皮膚好明顯後生咗少啲紋路，之前覺得對手好顯老（雖然仲有好大進步空間。。。）
我個人算心急，但佢俾我嘅效果比預期中快。
希望繼續飲改善臉嘅皮膚會更明顥。
係無腥臭味，但係有少少藥水味，直接溝水飲都尚可以接受。
chu******** (verified owner)
支持咗tag concept咁耐，一路以嚟都係買嘢俾自己用。直至呢個collagen出現，係第一次係度買嘢俾阿媽！見到呢個collagen原本完全無諗過買，係有次見到介紹spot到話對關節骨骼有用，就心思思買俾阿媽老人家試下。阿媽老人家70幾歳，成日話腳痛膝頭哥痛，iheibs萬0嘅葡萄糖胺軟骨素一直都有買俾佢，其實都有keep住食，食咗叫心理上好啲，但都幾日就聽佢講一次話仲係痛。咁我就貨金買下呢個強效配方孝敬下佢，我自己都有做下功課，10g純collagen嘅產品原來真係少見！仲叫佢一日飲兩次，阿媽老人家應該要補充足夠咗先可以感覺到係「有feel有料到」（但點樣飲呢個自己衡量同負責啦，因人而異）咁我諗住過一排先問佢覺得點，點知佢食完兩盒就問我係咪好貴係邊度買，即係只係兩個星期！因為佢得返兩盒，太貴佢就想慳住食，痛起上嚟先再食…（激心） 佢咁問我就知一定有啲嘢！細問之下，阿媽話真係舒緩咗好多，平時個膝頭哥成日話笠唔到啱位（我未體會過，其實我唔明係咩意思…) 坐耐咗起身嗰下會好痛，依家覺得輕鬆咗，同埋d骨無咁快硬，唔會訓／坐耐咗，一郁就會成身都好重好硬。另一個位係佢竟然話白頭髮少咗啲，仲有個人嘅氣息望落精神啲。其實做囡嘅聽到咁，貴一貴都會繼續買啦，同埋要敎佢呢啲嘢唔係藥，要Keep住食，唔好痛到頂唔順先嚟食。好啦，對比圖我就真係比唔到，希望我咁用心寫嘅review可以俾我換到多一盒Power10再孝敬阿媽~
yun******* (verified owner)
飲咗兩盒啦
好明顯係全身皮膚無咁乾
因為平時沖完涼一定要搽油搽lotion但好快又會覺得乾又要再補
依家雖然都一定要搽但起碼唔使密密補
仲有就係頭髮甩少咗同埋好似柔順咗
會繼續食希望臉上皮膚都會明顯後生啲!